धुळे: लुंबिनी बुद्ध विहार बनले धम्म प्रचार व प्रसाराचे प्रमुख केंद्र; विविध उपक्रमांना प्रतिसाद

धुळे: परमपूज्य भारतरत्न डॉ. बाबासाहेब आंबेडकर यांनी ‘दर रविवारी विहारात गेलेच पाहिजे’ असा विचार देऊन बौद्ध समाजाला विहाराशी जोडण्याचे आवाहन केले होते. या आदेशाचे तंतोतंत पालन करत धुळे शहरातील लुंबिनी बुद्ध विहार हे धम्म प्रचार आणि प्रसाराचे मुख्य केंद्र म्हणून नावारूपास आले आहे.या विहारात दर आठवड्याला धार्मिक, सामाजिक आणि संस्कारात्मक उपक्रम राबवून धम्मचक्र गतीमान ठेवले जात आहे. विहारात आयोजित केले जाणारे प्रमुख उपक्रम पुढीलप्रमाणे आहेत:
रविवारचे धार्मिक उपक्रम: दर रविवारी सकाळी १०:०० वाजता सामूहिक बुद्ध वंदना, धम्म प्रवचन आणि धम्मग्रंथांचे वाचन आयोजित केले जाते.
महिला धम्म वर्ग: दर गुरुवारी महिलांसाठी विशेष धम्म वर्गाचे आयोजन केले जाते, ज्याद्वारे महिलांना धम्माचे तत्त्वज्ञान सोप्या भाषेत समजावून सांगितले जाते.
बालसंस्कार वर्ग: लहान मुलांवर उत्तम संस्कार व्हावेत आणि त्यांना धम्माची ओळख व्हावी, या उद्देशाने विहारात बालसंस्कार वर्ग घेतले जातात.
वर्षावास कार्यक्रम: वर्षावासाच्या कालावधीत विहारात विविध विशेष धार्मिक व वैचारिक कार्यक्रमांचे आयोजन केले जाते.
लुंबिनी बुद्ध विहाराच्या माध्यमातून सर्व वयोगटातील नागरिकांना, विशेषतः महिला व बालकांना धम्माशी जोडण्याचे मोलाचे कार्य अविरतपणे सुरू आहे.
लुम्बिनी बुध्द विहार चॅरिटेबल ट्रस्ट धुळे
सचिव:- प्राचार्य राजेंद्र बोराळकर