दिशादर्शक Dishadarshak

गर्द काळोखातल्या भयाण काळी
तूच होतास आमचा क्रांतिसूर्य
अन् शीतल छाया देणारा
चंद्रही तूच होतास नव्या निळाईचा

जीर्ण सनातन रूढींना
वाकवून लेखणीने
तूच दाखविलीस दिशा
अन् संपविलीस युगायुगाची
भयाण निशा

दिलीस जगण्याची जाणीव अन् ममतेची माया ही
आयुष्याचं देऊन योगदान
झिजविलीस अख्खी काया ही

पुरातन संस्कृतीच्या जोखडातून
केलेस बा मुक्त आम्हांस
अन् आणलीस नवी त्वचा
आमच्या अंगा मांसास

आता जिथं तिथं तूच बा
आमच्या प्रत्येक घासांत
अन् तूच वसलाय
समस्त नसांनसती

अशोक भालेराव,  नाशिक
मो. 9226032898