घराघरात बुध्द उत्सव….

राहुल बुद्ध विहार ,राहुल नगर , वाशीनाका , मुंबईत  वर्षावास कार्यक्रमाचा २८ वा दिवस होता . घराघरात बुध्द उत्सव का सुरू करायला हवा या विषयी मान. धम्म प्रचारक , सागर रामभाऊ तायडे यांनी खूप चांगले मार्गदर्शन केले .
घराघरात बुध्द उत्सव कसा सुरू करावा व उत्सावाबद्दलची सविस्तर माहिती ज्या दैनिकामध्ये छापलेली आहे ते पश्चिम महाराष्ट्रातील दैनिक मुक्तनायक उपस्थितांना वाटण्यात आले.
व्याख्यान सुरू होण्यापुर्वि स्थानिक कृष्णाबाई ससाणे , अरूण पलघामोल यांनी बुध्द भीम गीते सादर केली .
आंबेडकरी विचार आपल्या गाण्याच्या माध्यमातून सतत लोकांपर्यंत पोहोचविणारे शाहीर कालीदास रोटे यांनीही काही वर्षावास कार्यक्रमात हजर राहून उत्साह निर्माण करणारी , छान प्रबोधन करणारी बुध्द भीम गीते गायली.
शेवटी धम्म भगिणी सिताबाई बबन शिंदे यांनी आणलेला अल्पोपहार सर्वांना वाटण्यात आला.