कुठे चालली ही माणसं

कुठे चालली ही माणसं
असा पडला आज प्रश्न
विसर पडतो आहे
माणुसकी जपण्याचा
दाखवला ज्यांनी मार्ग मानवतेचा
मागे सारत चालले अशा तथागतांना
कुठे चालली ही माणसं
पडला आज असा प्रश्न

रोवली ज्यांनी विज्ञानाची बिजे
माणसांनी ठेवा विचार मैत्रीचे
असा अमुल्य मंत्र दिला जगास
निर्मळ चित्त आणि कर्म शुद्ध
हा विचार सोडुन ही माणसे चालली कुठे

चित्ताची मलिनता दुर करते सद्धम्म
त्रिशरण, पंचशिल आणि अष्टांगीक मार्ग
अनुसरुन बुद्धांची शिकवण
त्यातुन येई जीवनाला वळण
हा विचार सोडुन कुठे चालली ही माणसं

निसर्ग निर्मित सृष्टीवर
झाली निर्मिती मानव संज्ञेची
स्वबुद्धीच्या बळावर
माणुस करतो आकाश पाताळ भ्रमण
विसरुन तर्कशुद्ध बुद्धीमत्ता
चालली कुठे ही माणसं
असा पडला आज प्रश्न

अर्चना चव्हाण, नागपुर.
8624062012