बुद्धपौर्णिमेचं चांदणं

चाल : जावू दे रे मला, जावू दे रे मला

बुद्ध पौर्णिमेचं, बुद्ध पौर्णिमेचं

हे सुखाच

पडलं चांदणं माझ्या आंगणात || धृ ||

उपासिका मी, झाले तयाची

सम्यक सम्बुद्ध, तथागताची

पालनं केलं, सद्धम्माचं ||१||

पंचशीलेचा, वाहता पाट

घेतला भरुन मी, जीवनाचा माठ

पालन केलं, पंचशीलेच ||२||

बुद्ध पौर्णिमेच्या, शितल चांदण्यात

लीन मी झाले, बुद्ध चरणात

पालन केलं, त्रिशरणाचं ||३||

अनमोल अस, धम्माच रतन

प्रभाकरा मी, केलय जतन

सार्थक झाल, या जीवनाच ||४||

निळाई : प्रभाकर बी. खिल्लारे, औरंगाबाद