भाताच्या जास्त उत्पादन देणाऱ्या जाती शोधणारे बुद्धिस्ट कृषी संशोधक दादाजी रामाजी खोब्रागडे 

भाताच्या जास्त उत्पादन देणाऱ्या जाती शोधून काढणारे बुद्धिस्ट कृषी संशोधक दादाजी रामाजी खोब्रागडे (जन्म:नागभीड, मृत्यू: ३ जून २०१८, चंद्रपूर)

खोब्रागडे यांनी केलेल्या संशोधनाच्या जोरावर अनेक बियाणे कंपन्यांनी पैसे मिळवले. ते मात्र हलाखीचे जीवन जगत राहिले. त्यांच्या अखेरच्या आजारपणात शेतकऱ्यांनी पैसे गोळा करून उपचाराचा खर्च केला. डॉ.अभय बंग यांनी शोधग्राममध्ये उपचारांची सोय केली. इथेच खोब्रागडे यांचा मृत्यू झाला.

इयत्ता तिसरी पर्यंत शिकलेले खोब्रागडे एक अल्पभूधारक शेतकरी होते. १९८३ पासून त्यांनी तांदळाचे नवीन वाण बनवण्याच्या प्रयोगाला सुरुवात केली. सहा वर्षांच्या बीजगुणनाच्या प्रयोगानंतर ते नवीन वाण तयार करण्यात यशस्वी झाले. या वाणाला काय नाव द्यायचे, हे न सुचल्यामुळे त्यांनी त्यावेळी प्रसिद्ध असलेल्या एच.एम.टी. कंपनीच्या एच.एम.टी.सोना घड्याळावरून तेच नाव या वाणाला दिले. पुढे कृषी विद्यापीठाने त्यांना श्रेय न देता हे वाण बाजारात आणले.

दादाजी रामाजी खोब्रागडे यांनी भाताचे एकूण नऊ वाण शोधले.

1. एच.एम.टी. सोना
2. नांदेड हिरा
3. नांदेड चेन्नूर
4. विजय नांदेड
5. नांदेड ९२
6. डीआरके
7. नांदेड दीपक
8. काटे एच.एम.टी.
9. डीआरके-२.

दादाजी रामाजी खोब्रागडे यांना मिळालेले पुरस्कार

1. पहिला रिचारिया पुरस्कार, जो तांदळाच्या संशोधनासाठी दिला जातो.
2. तांदळाच्या बाबतीतील संशोधनाबद्दल महाराष्ट्र शासनाकडून २००६ मध्ये वसंतराव नाईक कृषिभूषण पुरस्कार..
3. २००९ मध्ये पाचवा राष्ट्रीय ग्रॉस रूट इंनोवेशन पुरस्कार तांदळाच्या डिआरके वाणाच्या संशोधनासाठी मिळाला.
4. २०१० मध्ये फोर्ब्सच्या यादीत नाव.
5. २०१० मध्ये महाराष्ट्र शासनाचा पंजाबराव देशमुख कृषीरत्न पुरस्कार.

दादाजी रामाजी खोब्रागडे विषयी थोडक्यात माहिती