धम्मकाया फाउंडेशनच्या आचार्य संघाचे साँची येथे दोन दिवसीय विशेष धम्मप्रशिक्षण शिबिर यशस्वीरित्या संपन्न

धम्मकाया फांउडेशन प्रणित आचार्य संघाचे साँची या ठिकाणी दोन दिवसीय विशेष धम्म प्रशिक्षण शिबिर यशस्वीरित्या नुकतेच संपन्न झाले.यावेळी आचार्य संघाच्या शिबिरात आलेल्या अनुभवाचा संक्षिप्त वृत्तांत ….

▪️ या शिबिरामध्ये एकूण नऊ आचार्य यांचा समावेश होता.त्यामध्ये आचार्य प्रविण पंडित ,आचार्य भिमराव घनसावंत, आचार्य अनिल बागुल,आचार्य सचिन गायकवाड, आचार्य जगदीश गायकवाड, आचार्य प्रविण गायकवाड,आचार्य सुमित भालेराव, आचार्य प्रकाश मोरे, मी स्वतः आचार्य मिलिंद बनसोडे आदी. सहभागी झालो होतो.

▪️आमची दोन दिवस राहण्याची व्यवस्था ही साँची येथे श्रीलंकेच्या महाबोधी सोयायटीने बांधलेल्या वंदना निकेतन या गेस्ट हाऊस मध्ये करण्यात आली होती.

▪️अतिशय प्रशस्त गेस्ट हाऊस असून या परिसराच्या प्रांगणातील प्रवेश द्वारावर श्रीलंकेतील महान बौध्द धम्म प्रचारक अनागरिक धम्मपाल यांचा उभा पूर्णाकृति पुतळा देखील बसविन्यात आला आहे.व साँचीच्या स्तुपाच्या अगदी प्रवेश द्वाराजवळच श्रीलंका सरकारच्या प्रयत्नतून चेतियबुध्द विहाराची निर्मिती ही सन 1952 साली प्रधानमंत्री जवाहरलाल नेहरू यांच्या हस्ते करण्यात आली आहे.

या बुध्द विहाराच्या गाभार्यामध्ये आकर्षक भव्य बुध्द मूर्ति आहे. व भन्ते सारिपुत्र व महामोगल्लान यांच्या अस्थी देखील सुरक्षित जतन करून ठेवल्या आहेत.

3️⃣ जुलै 2023 :
▪️पहिल्या दिवशी साँचीच्या या ऐतिहासिक पवित्र स्तुपाला आम्ही भेट दिली.स्तुपाला प्रदक्षिणा घालून सामुहिक अभिवादन केले.

▪️त्यांनंतर एक तासाची विशेष सामुहिक ध्यान साधना देखील केली.स्तुपाच्या चोहोबाजूने फिरून स्तुपावर जे शिल्प कोरले आहे,जी धम्मसंस्कृतीची प्रतिके आहे त्याची सविस्तर माहिती घेतली. यावेळी G 20 चे विविध देशातील निमंत्रित प्रमुख पाहूणे व शासकीय अधिकारी देखील यावेळी स्तुपाला भेट देण्यासाठी उपस्थित झाले होते.

▪️मध्यप्रदेशातील रायसेन जिल्हातील साँची या गांवी हा स्तुप आहे म्हणून त्याला साँचीचा स्तुप या नावानेच ओळखले जाते. मात्र या ठिकाणी सारिपुत्र व महामोगल्लान यांच्या पवित्र अस्थीधातु आहे हे फार कमी लोकांना माहित आहे.

▪️अस्थी धातूची प्रत्येक वर्षी नोव्हेंबर महिन्यामध्ये हत्तीवरुन भव्य मिरवणूक काढली जाते. या महोत्सामध्ये जगातील श्रद्धावान बौध्द अनुयायी व पुजनीय भिक्खू संघ मोठ्या प्रमाणात सहभागी होतो. जागतिक बौध्द धम्म संस्कृतीचा वारसा म्हणून या स्तुपाचे संवर्धन व सुरक्षेची सर्व जबाबदारी भारतीय पुरातत्व खात्याकडे आहे.

4️⃣ जुलै 2023 :
दुसऱ्या दिवशी आम्ही सकाळी 6 वा. उठून अष्टशील ग्रहण करून उपोसथव्रत ग्रहण केले.त्रिरत्न वंदना व गाथापठन केले.
यावेळी आचार्य प्रविण पंडित यांनी आषाढ पौर्णिमेचे महत्व सांगून गुरु शिष्य परंपरेचे महत्व देखील अधोरेखीत केले.

▪️आम्ही चेतिय बुध्द विहारात जावून बुध्द रूपाचे दर्शन घेतले.आणि
धम्मचक्कपवत्तन सूत्र सामुहिक पाठ केला.

▪️पुन्हा एकदा स्तुपाच्या परिसरात ध्यान करून सर्वांच्या प्रती मंगल मैत्री केली.व पौर्णिमेच्या निमित्ताने पुजनीय भिक्षु संघाला भोजनदान केले.

▪️यावेळी सर्व आचार्य संघाने आषाढ़ अर्थात गुरु पौर्णिमेच्या निमित्ताने वैयक्तिकरित्या धम्मकाया फाउंडेशन या संस्थेला धम्मप्रचारासाठी यथाशक्ती आर्थिक दान देवून पुण्य अर्जित केले.

▪️आचार्य संघाच्या मागील वर्षाच्या कार्याचा आढावा घेतला. यावर्षी आचार्य संघाच्या कार्याचे नियोजन कसे राहील ,त्यासाठी काय केले पाहिजे यावर विचार विनिमय केला.

▪️यावेळी नविन आचार्य म्हणून उपासक शैलेश कापसे यांची निवड सर्वानुमते करून ठराव पास करण्यात आला.

▪️100 सुत्त आचार्य यांनी पाठांतर करणे, आपल्या विभागातील उपासक यांचे गाथापठन मुखोदगत करवून घेणे,

▪️ दर महिन्याला आचार्य यांची मिटिंग किंवा प्रशिक्षण शिबिर आयोजन करणे आदी.विषयावर चर्चा घडवून आणली.

▪️त्या नंतर सर्वांनी एक एक सुत्त सादर करून त्याचे विश्लेषण केले.
आचार्य प्रवीण पंडित – महातन्हा स्नखाय सुत्त,
आचार्य भीमराव घनसावंत – आदित्य परियाय सूत्त,
आचार्य अनिल बागुल – अंग्गंन सुत्त,
आचार्य प्रवीण गायकवाड – दिघजणू (व्यागपज्जा) सूत्त,
आचार्य सचिन गायकवाड – तिरोकुटठ् सूत्त,
आचार्य जगदीश गायकवाड – चूल मलुंक्योवादा सूत्त,
आचार्य सुमित भालेराव – उपनिसा सुत्त,
आचार्य प्रकाश मोरे – सब्बस्वा सुत्त,
आचार्य मिलिंद बनसोडे – समाधी सूत्त
हे विषय सादर केले.

▪️त्याचप्रमाणे साँची येथील संग्राहलय, सोनारी ,सतधारा आदि. बौध्द स्तुपाला देखील भेटी देवून तेथील स्तुपाची अभ्यासपूर्वक पाहणी केली.

▪️ भारताच्या मध्यभागातुन जे कर्कवृत्त गेले आहे ते ठिकाण साँची वरुन अगदी जवळ असल्याने तेथे सुद्धा भेट देवून या ठिकाणाची माहीती घेतली.

▪️ आपण देखील साँची या ठिकाणी सहपरिवार अथवा बुध्द विहाराच्या माध्यमातून धम्मसहल आयोजित करून आवर्जून नक्कीच भेट द्यावी असे आपणास आवाहन करण्यात येते.महान बौध्द शासक चक्रवर्ती सम्राट अशोक यांनी थेरवाद परंपरा जोपासून या स्तुपाची निर्मिती केली आहे.

▪️मुंबईवरुन विदिशा(मध्य प्रदेश) असा रेल्वेने प्रवास करून आपल्याला साँची या ठिकाणी पोहचता येते.सतधारा व सोनारी येथील बौध्द स्तुप हे जंगल परिसरात असल्यामुळे हे देखील साँची इतकेच सर्व पर्यटकांचे आवडते ठिकाण बनले आहे.

▪️साँची ला जाणाऱ्या प्रत्येक व्यक्तीने सोनारी व सतधारा येथील बौध्द स्तुपाला सुद्धा अवश्य भेट दिलीच पाहिजे.

.✍️शब्दांकन:
आचार्य मिलिंद बनसोडे (नाशिक)
संपर्क मो.9960320063