थायलंड येथे तयार होत असलेल्या परमपूज्य डॉ. बाबासाहेब आंबेडकरांच्या भव्य मूर्तीचा कास्टिंग सोहळा धम्ममय वातावरणात संपन्न..!

या सोहळ्याला भारतीय बौद्धांचा धम्मदूत म्हणून मला सादर आमंत्रित करण्यात आले आहे. थायलंडच्या चेरन्तावन येथील इंटरनॅशनल मेडिटेशन सेंटर या निसर्गरम्य व अत्यंत धम्ममय वातावरणात हा सोहळा बौद्ध विधीनुसार संपन्न झाला. महामानव डॉ.बाबासाहेब आंबेडकरांच्या जयंतीच्या पवित्र महिन्यात हा सोहळा आयोजित केल्या बद्धल मी भारतीय बौद्धांच्यावतीने थायलंड येथील बौद्ध भिक्खूंचे व दानशूर उपासकांचे आभार मानले. डॉ.बाबासाहेब आंबेडकरांचे बौद्धमय भारत करण्याचे स्वप्न साकार करण्यासाठी आम्ही प्रयत्नशील आहोत व कामात थायलंड देशाचे सहकार्य लाभत आहे ही अत्यंत अभिमानाची बाब आहे. या प्रसंगी सोहळयाचे निमंत्रक चेरनतावन आंतरराष्ट्रीय ध्यान केंद्राचे संचालक आदरणीय भदंत फ्रा मेथी वजिरोडोम आणि व्ही. वजिरमेथी, आदरणीय भंत लाँगफुजी, भदंत सोंगसेन फँटफियन, सिरीलक मैथाई, आदरणीय भिक्खू संघ, कॅप्टन नटकीट, आमचे मित्र सिने अभिनेते गगन मलिकजी उपस्थित होते. माझ्या जीवनातील अत्युच्च सन्मानाचा क्षण..!

नमो बुद्धाय…सप्रेम जयभीम..!